Մրգային աղցան

Պատրաստում ենք մրգային աղցան․

  • 1 մեծ նուռ
  • 3 խնձոր
  • Կես բաժակ մանր ընկույզ
  • Մեկ բաժակ չամիչ
  • 250 գ թթվասեր կամ յոգուրտ

Համեղ թեթև ու շաատ օգտակար մի փունջ ենք այօր առաջարկելու: Տեսեք մեր օգնական տիկին Ալլա Սարգսյանն ինչ գեղեցիկ է  մատուցում: Այսօր նա մեզ խորհուրդ է տալիս պատրաստել ու վայելել միասին:

Աշխատանքը շատ քիչ է, միացեք մեզ:

Որևէ հարմար ամանի մեջ լցնում ենք նռան նախապես մաքրված հատիկները: Ավելացնում ենք մանր կտրատված խմձորը:  Մանրացնում ենք կես բաժակ ընկույզն այնպես, որ ուտելիս հատիկները զգացվեն ու ավելացնում ենք մրգերի վրա:

Նախապես թրջում ենք մեկ բաժակ չամիչը գոլից քիչ տաք ջրով, ջրքամում ենք ու չորացնում, որից հետո ավելացնում ենք աղցանամանի մեջ:

Չամիչը նախապես մի քնաի ժամով կարելի է թրջել նաև կոնյակով կամ օղիով: Սա հետաքրքիր նրբահամ կհաղորդի աղցանին:

Արագ ու մեծ հաճույքով պատրաստեցինք գլխավոր բաղադրիչները: Հիաա պահն է այն ավարտուն տեսքի բերելու:

Տիկին Ալլան առաջարկում է աղցանը ավարտել՝ թթվասերով այս ամենը խառնելով: Հաստատ շատ համեղ կլինի:

Իմ կողմից հավելեմ, որ շատ լավ կլինի նաև, եթե աղցանի վրա լցնեք որևէ՝ ձեր քիմքին հաճելի յոգուրտ:

Բոլոր դեպքերում ստացվելու է շատ օգտակար ու կենսական էներգիայով հագեցնող աղցան, որը պատրաստեցինք այսքան կարճ ժամանակում:

Աղցանը պահեք սառնարանում և մատուցեք կամ ընդհանուր գեղեցիկ ափսեով, ինչպես տեսնում եք, կամ առանձին անհատական պնակներով:

Աղցանին հետաքրքիր համ ու հոտ կհաղորդի նաև դարչինը, որը չեզոք համ ունեցող յոգուրտների հետ հրաշալի համադրություն կլինի:

Woman.am-ում նման հեշտ ու արագ տարբերակներ շատ կտեսնեք: Փնտրեք մեր էջերում ու հետևեք թարմացումներին: