Տորթ՝ ՏԱՔ ՇՈԿՈԼԱԴ

Շոկոլադային այս համեղ ու փափուկ խմորեղենը ծնվել է պատահական, երբ ինձ պես շոկոլադի սիրահար տղաս մտավ խոհանոց ու հայտարարեց, որ փափուկ մի բան է ուզում ու որ ունենա շատ համով շոկոլադի համ ու հոտ: Դե մայրիկին էլ ինչ է մնում. բացել սառնարանը, ուսումնասիրել առկա մթերքն ու ստեղծել պահանջվածը: Արդյո՞ւնքը.. ահա այն:

Եթե ձեր տանն էլ կան շոկոլադասերներ, առաջարկում եմ միանալ ինձ:

Woman.am –ի խոհանոցում արդեն պատրաստ են հետևյալ բաղադրիչները.

6 ձու

1 լիքը բաժակ շաքարավազ

3 ճ գդալ հալեցված կարագ

200 գ գոլացված մածուն կամ թթվասեր (ես մածունի ու թթվասերի խառնուրդ եմ օգտագործել)

Ըմպելի տաք շոկոլադի փոշի՝ եռման ջրով բացված

4 ճ գդալ կակաո

Կես տուփ խտացրած կաթ

1 թ գդալ սոդա

Ալյուր

Կրեմի համար

250 գ կարագ

Կես տուփ խտացրած կաթ

2 ճ գդալ կակաո+ ձիթայուղ

Մինչ սկսելը չմոռանամ հիշեցնել, որ իմ բոլոր բաղադրատոմսերին, մշակումներին ու խորհուրդներին ծանոթանալու համար կարող եք միանալ իմ Arusyak Hokhikyan’s group ֆեյսբուքյան խմբին:

Սկսեցինք:

Մեծ հարմար թասի մեջ հարում ենք սենյակային ջերմաստիճանի ձուն և շաքարավազը: Հարում ենք այնքան, միչ փքուն, թեթևոտ զանգված ստացվի: այնուհետև ավելացնում ենք կես տուփ կրկին սենյակային ջերմաստիճանի խտացված կաթն ու 2-3 ճ գդալ եռման ջրով բացված ու գոլացված որևէ լուծվող սուրճ կամ տաք շոկոլադի փոշի ու լավ խառնել: Ես օգտագործել եմ հենց Горячий шоколад: Ավելացնում ենք նաև տաքացված մածունը:

Այնուհետև հալեցնում ենք կարագն ու ավելացնում նշված քանակությամբ կակաոն: Զանգվածը նորմալ խառնել կարողանալու համար կարող եք 1-2 ճ գդալ ձիթայուղ ավելացնել:

Ստացված զանգվածին ավելացնում ենք մաղած ալյուր և սոդա՝ միասին: Խառնում ենք ոչ շատ, այնքնա, որ բողոդրիչները լավ խառնվեն:

Սոդայով խմորներն առհասարակ ալյուրն ավելացնելուց հետո ցանկալի չէ երկար խառնել, որ ռեզինանման զանգված ու հետո նաև խմոր չդառնա:

Ալյուրի քանակը չեմ նշում, քան որ ձուն չենք ավելացնում գրամներով: Ուղղակի արեք այնպես, որ խմորը լինի թույլ, որ տապակի մեջ լցնեք, ոչ թե քսեք, տապակը թեքելով խմորն ինքն իրեն հավասարվի: Այս խմորը պինդ պատրաստելու դեպքում թխվելիս անհավասար է ստացվում, թույլ լինելու պարագայում հավասար շերտեր են դուրս գալիս:

Թխում ենք անպայման յուղաթղթով, 200 աստիճան ջերմաստիճան նախապես տաքացված ջեռոցում՝ մինչ պատրաստ լինելը: Պատրաստ լինելը ստուգում ենք չոփիկով:

Ջեռոցից դուրս բերելուց հետո յուղաթուղթը հանել չշտապեք, դա անում ենք մի քանի րոպե անց:

Յուղաթուղթը հանելուց հետո շերտերը դնում ենք սրբիչի վրա մինչ սառելը, հակառակ դեպքում սինու կամ տախտակի վրա դնելու դեպքում խմորը կխոնավանա ու կկպնի մակերեսին:

Ես պատրաստել եմ երկու շերտ: սկզբում ցածր կթվան, մի վախեցեք: Մի քնաի ժամ անց ծակոտիները կբացվեն ու ավելի բարձևր կերևա: առհասարակ, խմորեղենի իրական բարձրությունը երևում է միայն ժամեր անց ու այն էլ միայն կտորների բաժանելուց հետո: ամբողջական շերտով այն միշտ ավելի ցածր է թվում. Ինքս շատ եմ անհանգստացել տարբեր տեսակի խմորեղեն պատրաստելիս, հիմա արդեն նախապես իմանալով՝ հանգիստ եմ ու ավելի վստահ:

Երկու փափուկագույն շերտերը թխելուց հետո դրանք իրար միացնում ենք կրեմով, վերջին շերտին ևս կրեմ ենք քսում ու ձևավորում ինչպե սկամենանք:

Ես ձևավերոլ եմ շերտերի եզրերից դուրս բերված երիզների փշուրների ու կակաոյի խառնուրդով: Կարող եք օգտագործել նաև շոկոլադի քերուկ, ջնարակ կամ ուղղակի շաղ տալ կակաո:

Իսկ կրեմը պատրաստում ենք հետևյալ կերպ:

200 գ կարագը լավ հարում ենք՝ մոտ 2-3 րոպե: Դրանից հետո քիչ-քիչ ավելացնում ենք խտացրած կաթն ու ձեթով բացված 2 ճ գդալ կակաոն:

Կրեմը պատրստելիս բոլոր բաղադրիչները պետք է լինեն միևնույն ջերմաստիճանի, հակառակ դեպքում կրեմը կկտրվի: Ձիթայուղով կակաոն ավելացնելու դեպքում կրեմի կտրվելու հավանականությունը փոքրանում է:

Ահա այսքանը: Հեշտ արագ պատրաստվող խմորեղեն է:

taq shokolad