Եթերային

Մեր սիրելի Աննայի բաղադրատոմսով այսօր պատրաստելու ենք Եթերային այս խմորեղենը: Գրավիչ է չէ՞: Դե  արի ու դիմացիր գայթակղությանը: Իսկ դուք մի դիմացեք, միացեք մեզ ու պատրաստեք ձեր խոհանոցում:

Մեզ անհրաժեշտ է

Խմորի համար

8 ձու

1.5 բաժակ շաքարավազ

2 ճ գդալ մեղր

2 թեյի գդալ սոդա

6 ճ գդալ կակաո

2 բաժակ ալյուր

Կրեմի համար

300 գ կարագ

1 տուփ եփած խտացրած կաթ

1 ճ գդալ կոնյակ

Վանիլին

Եփած կրեմ

Եփած կրեմի համար

0.5 բաժակ շաքարավազ

2 ճ գդալ ալյուր

0.5 բաժակ կաթ

Խմորը պատրաստելու համար նախ հարում ենք ձուն և շաքարավազը այնքան, մինչև զանգվածը սպիտակի ու մեծանա ծավալով: Այնուհետև աստիճանաբար ավելացնում ենք մյուս բաղադրիչները հերթականությամբ ու շարունակում հարել: Ալյուրից հետո հարում ենք ձեռքով:

Խմորը բաժանում ենք 3 կամ 4 մասի /Աննան այս անգամ 3 շերտ է պատրաստել/, քսում ենք յուղաթղթի վրա ու թխում 180 աստիճան նախապես տաքացված ջեռոցում մինչ պատրաստ լինելը:

Շերտերն իրար միացնում ենք կրեմով:

Հա, չմոռանամ ասել, որ իմ բոլոր բաղադրատոմսերն ու մշակումները կարող եք գտնել իմ՝ Arusyak Hokhikyan’s group ֆեյսբուքյան էջում:

Միացեք խմբին՝ նորույթներին հետևելու համար:

Պատրաստում ենք կրեմը:

Սենյակային ջերմաստիճանի կարագը լաավ հարում ենք նախապես մի քանի րոպե, հետո քիչ-քիչ ավելացնում ենք խտացրած կաթն ու շարունակում հարել՝ մինչ համասեռ զանգված ստացվի: Որից հետո ավելացնում ենք եփովի կրեմը:

Պատրաստում ենք եփովի կրեմը:

Բաղադրիչները միացնում ենք իրար, մարմանդ կրակի վրա եփում ենք       մինչ պնդանալը: Կրակն անջատում ենք, թողնում առչի: Սառելուց բավական կպնդանա, դա անպայման հաշվի առեք:

Կարագով կրեմի վրա արդեն քիչ-քիչ ավելացնում ենք նաև եփովի սառած կրեմն ու շարունակում հարել: Վերջում ավելացնում ենք կոնյակն ու վանիլինը՝ ըստ ճաշակի:

Շերտերն իրար միացնելուց հետո չենք մոռանում ամենավերին շերտի համար ևս կրեմ թողնել: Քսում ենք կրեմն ու վրան կամ կակաո շաղ տալիս, կամ, ինչպես մեր Աննան է արել, վրան շաղ տալիս խմորի եզրերից կտրված խմորի փշրանքներով:

Մեր եթերային փափուկ ու շատ հեշտ խմորեղենը ևս պատրաստ է: Վայելելու ժամն է, հյուրերին կանչեք, իսկ ես գնամ պատրաստվելու մեր հաջորդ հանդիպմանը:

Սիրով ձեր՝ woman.am