Կանանց և տղամարդկանց սեռական և հոգեբանական հասունությունը խիստ անհատական է յուրաքանչյուր անհատի պարագայում։
Կանանց և տղամարդկանց սեռական հասունացումը տեղի է ունենում տարբեր տարիքներում, իսկ հոգեբանական հասունությունը խիստ անհատական է յուրաքանչյուր անհատի պարագայում։
Հետևաբար, այն հարցը թե երբ կարելի է սկսել սեռական կյանքը բավականին բարդ է։
Իդեալալական տարիք չկա, քանի որ անհատի սեռական հասունացման, սեքսուալության արթնացման և նրա դրսևորումների վրա ազդում են մի շարք գործոններ․
- Գենետիկ,
- Հորմոնալ,
- Հոգեբանական,
- Մշակութային և կրոնական նախասիրություններ,
- Ավանդույթներ,
- Սոցիալական և այլն։
Ինտիմ կյանքը կարելի է սկսել այն ժամանակ, երբ ավարտին է մոտենում սեռական զարգացումն իր բուռն փոփոխություններով և երբ օրգանիզմը ֆիզիոլոգիապես պատրաստ է դրան։
Բայց միայն ֆիզիոլոգիական զարգացվածությունը դեռ քիչ է։ Անհրաժեշտ է հաշվի առնել նաև հոգեկան հասունությունը, երբ անհատը հոգեբանական և բարոյական տեսանկյունից ևս պատրաստ է կրելու սեփական քայլերի պատասխանատվությունը։
Առաջին սեռական մտերմությունը, որով դրվում է սեռական կյանքի սկիզբը շատ կարևոր իրադարձություն է ինչպես կնոջ այնպես էլ տղամարդու կյանքում։
Ցանկալի է առաջին սեռական փորձը անցնի առանց բացասական հետևանքների (ֆիզիկական բռնություն, հոգեկան տրավմա, սեռական ճանապարարհով փոխանցվող հիվանդություններ, անցանկալի հղիություն), քանի որ այդ տպավորություններից և էմոցիաներից է կախված սեռական կյանքի հետագա ընթացքը։
Գրագետ և անվտանգ սեռական կյանքով ապրելու համար անհրաժեշտ և կարևոր է սեռակրթված լինելը, սեփական մարմինն ու ցանկությունները ճանաչելը։
Եվ իհարկե սեր, վստահություն, փոխադարձ հարգանք․ ահա այն արժեքները, որոնց վրա պետք է ստեղծել միջանձնային հարաբերություններ։
Միայն այդ դեպքում կարող ես պահպանել առողջությունն ու ստեղծել ներդաշնակ անձնական կյանք։
Լուսինե Ստեփանյան
բժիշկ-սեքսոլոգ
