Գազարով կարկանդակ

Հետաքրքիր ու համեղ կարկանդակների շարքը լրացնում ենք ևս մեկով: Աստղիկ Գալեյանն առաջարկում է պատրաստել գազարով այս ախորժելի կարկանդակը:

Հետևում ենք մեր օգնականին:

Նախ գրանցենք բաղադրիչները:

Մեզ անհրաժեշտ է

3 ձու

150 գ կարագ

150գ շաքարավազ

Վանիլին

3 մեծ գազար

1 թեյի գդալ սոդա

Ալյուր

 

Անցանք գործի:

Կարկանդակը պատրաստվում է շատ հեշտ ու շատ արագ:

Հարմար ամանի մեջ հարում ենք ձուն և շաքարավազն այնքան, որ ստանանք փրփրուն, թեթև զանգված, որից հետո ավելացնում ենք հալեցված կարագն ու խառնում: Ավելացնում ենք նաև աղացած գազարը: Վերջում ավելացնում ենք իրար խառնած սոդան, վանիլինն ու ալյուրը: Ստանում ենք ոչ շատ պինդ խմոր:

 

 

Աստղիկն այս կարկանդակը թխել է 28 սմ տրամագծով ձևամանի մեջ՝ տակը յուղաթուղթ դրած: Այն թխվում է 30 րոպեում՝ նախապես 180 աստիճան տաքացված ջեռոցում:

Չհասցրեցիք հոգնել, մեկ էլ խնդրեմ՝ կարկանդակը պատրաստ է, համեցեք…

 

Woman.am-ն առաջարկում է նաև այլ կարկանդակների ու շատ տարբեր այլ ուտեստների բաղադրատոմսեր, ծանոթացեք մեր նախորդ հանդիպումներին և հետևեք թարմացումներին մեր բոլոր էջերում:

Տեքստի հեղինակ՝ Արուսյակ Հոխիկյան (Arusyak Hokhikyan’s group)