Արագ թթու՝ կաղամբով
Advertisementjobs.am

Թթվեղենի նկատմամբ անտարբեր չե՞ք.. Հետաքրքիր շատ տեսակներ կան, որոնցից ամենաարագն այսօր կներկայացնեմ ձեզ: Ասեմ, որ բացի գեղեցիկ լինելուց, նաև շատ համեղ է ստացվում…

Գրանցեք բաղադրիչները:

Մեզ հարկավոր է

 

1 կգ կաղամբ

1 մեծ գազար

1 մեծ կարմիր պղպեղ

10-15 հատիկով պղպեղ

0.5 թեյի գդալ կարմիր պղպեղ

 

Մարինադի համար

0.5 լ ջուր

5 ճաշի գդալ էսենցիա

5 ճաշի գդալ շաքարավազ

1 լիքը ճաշի գդալ աղ

0.5 սուրճի բաժակ ձեթ

 

Անցանք գործի:

Մինչ այդ նշեմ, որ իմ բոլոր բաղադրատոմսերին ու գրառումներին կարող եք ծանոթանալ Arusyak Hokhikyan’s group-ում:

Կրակին դնում ենք փոքրի կաթսան, եռացնում ենք ջուրը, մեջը լցնում ենք մարինադի համար բոլոր բաղադրիչները բացի էսենցայից: Հենց զանգվածը կրկին եռա, ավելացնում ենք նաև էսենցիան, խառնում ենք ու անջատում կրակը: Խառնուրդը թողնում ենք հովանա:

Այս ընթացքում նախապատրաստում ենք բանջարեղենը:

Մեծ թասի մեջ լցնում ենք բարակ կտրատված կաղամբը: Ասեմ, որ անհրաժեշտ է վերցնել պինդ գլխով կաղամբի տեսակներից: Բարակ ու երկարությամբ կտրատում ենք նաև պղպեղը: Միջին չափսի քերիչով քերում ենք գազարը: Ավելացնում ենք հատիկավոր ու կարմիր աղացած պղպեղները: Բանջարեղենային այս խառնուրդը լցնում ենք բանկաների մեջ: Աշխատեք լցնել հնարավորինս խիտ, բայց շատ չսեղմեք, որ կաղամբի ջուրը ժամանակից շուտ դուրս չգա:

 

Բանջարեղենով բանկաների մեջ լցնում ենք արդեն հովացած մարինադը, բանկաները փակում ենք կապրոնե կափարիչներով ու դնում սառնարանը:

Համեղ ու անուշաբույր թթված կաղամբը հաջորդ օրն արդեն կարող եք վայելել:

Woman.am-ը հետաքրքիր կաղամբի թթվի այլ տարբերակներ ևս ունի, գտեք մեր նախորդ հանդիպումներն ու ծանոթացեք նորույթներին:

Մինչ նոր համեղ հանդիպումներ: