Մաստուրբացիա

Ի՞նչ է․․․

Էրոգեն զոնաների, մասնավորապես սեռական օրգանների ինքնուրույն գրգռումն է, սեքսուալ հաճույք կամ օրգազմ ապրելու նպատակով։

Համարվում է սեռական կյանքի փոխարինող տարբերակ։

Այլ կերպ կոչվում է նաև ինքնաբավարարում։

Ովքե՞ր և ո՞ր տարիքից են սկսում զբաղվել․․․

Ձեռնաշարժությամբ զբաղվում են 2 սեռերի ներկայացուցիչները։

Այս դրսևորումը սկսում է դեռևս 2-3 տարեկանից (մանկական օնանիզմ)։

Սակայն այս տարիքում այն կրում է ճանաչողական բնույթ․ սեռական օրգաններին դիպչելով ծանոթանում են սեփական մարմնի հետ, ինքնաբացահայտում։

Սեռական հասունացման շրջանում այն խոսում է սեքսուալ լիբիդոյի արթնացման մասին։

Կան ձեռնաշարժության տարբեր տեսակներ (առավել մանրամասն կանդրադառնամ առանձին գրառումներով, քանի որ թեման ծավալուն է):

Վնասակար է, մեղք է, վնասում է ․․․․

Թեմայի վերաբերյալ միֆերը շաաաաաա՜տ են․․․․․

Հաճախ ենք լսում այս արտահայտությունները, որոնք խոսում են թեմայի վերաբերյալ չիմացության, սխալ ինֆորմացվածության և սխալ պատկերացումների մասին։

Ձեռնաշարժությունը համարվում է ՆՈՐՄԱԼ, ֆիզիոլոգիական սեքսուալ դրսևորում։

Այս տարբերակով անհատը թուլացնում է սեքսուալ լարվածությունը, կարգավորում օրգանիզմի ներքին դիսկոմֆորտը, բարելավում ընդհանուր ինքնազգացողությունը, տրամադրությունը։

Ախտաբանական է համարվում միայն այն դեպքերում, երբ մաստուրբացիայով զբաղվելու հաճախակի ցանկությունը խանգարում է անհատին առօրյա կյանքում, միտքը ֆիքսված է միայն դրա վրա կամ այդ գործողությամբ զբաղվում է նաև հասարակական վայրերում։

Կարևոր է․․․

Ձեռնաշարժությունը թույլ է տալիս անհատին ճանաչել սեփական մարմինը, արթնացնել էրոգեն գոտիների զգայունությունը, որը կօգնի Ձեզ և Ձեր զուգընկերոջը սեռական կյանքում։

Ծնողների կողմից այս ամենի իմացությունը, ադեկվատ վերաբերմունքը և թեմայի վերաբերյալ երեխային ճիշտ ինֆորմացիայի փոխանցումը, որպեսզի բացասական վերաբերմունք չձևավորվի սեքսուալության և սեռական կյանքի վերաբերյալ՝ հետագայում խուսափելու համար սեքսուալ խանգարումներից։

Չի հանգեցնում անցանկալի հղիության:

Ինչպե՞ս պահպանել հիգիենան

Ձեռնաշարժությամբ զբաղվելուց առաջ և հետո պետք է պահպանել ձեռքերի և սեռական օրգանների հիգիենան։