Advertisementjobs.am

Նորաձևության աշխարհը ձգում է գեղեցիկը սիրող և գնահատողին, բայց ոչ բոլորը կարող են գոյատևել այս մրցակցային ոլորտում:

Մենք ընտրել և առանձնացրել ենք այս ոլորտի այն գրքերը, որոնք կարդալով Դուք կհարստացնեք գիտելիքների Ձեր պաշարը և դրանով իսկ կհեշտացնեք Ձեր մուտքը նորաձևության աշխարհ:

Նորաձևության մասին գրքերը բազմազան են` պատմականից մինչ կենսագրական: Առաջարկվող գրքերը բնութագրում են նորաձևության բարդ համակարգի ընդգրկուն, ծավալուն կողմերը` սկսած պատմականորեն նորաձևության ոլորտի սկզբնաղբյուրից մինչ օրերս:

Սկսեցինք:

1.  «Նորաձևության վերջը: Ինչպես մարքեթինգը հավերժ փոխեց նորաձևության ոլորտը», հեղինակ` Թերի Ագինս

“The End of Fashion: How Marketing Changed the Clothing Business Forever”, Teri Agins

Եթե որոշել եք կարդալ այս ցուցակից միայն մեկ գիրք, անշուշտ կարդացե’ք այս մեկը:
Այն հրապարակվել է 2000թ.-ին, հեղինակը երկար տարիներ աշխատել է ամերիկյան հայտնի The Wall Street Journal պարբերականում որպես նորաձևության լրագրող և ներկայացնում է ժամանակակից նորաձևության համակարգի ընդհանուր բնութագիրը, ընդլայնման շնորհիվ մարքեթինգի հաղթանակը դիզայնի նկատմամբ, պատմում է այնպիսի բրենդերի մասին, ինչպիսիք են` Tommy Hilfiger, Ralph Lauren և շատ ավելին:

2. «Դիորը Դիորի կողմից: Քրիսթիան Դիորի ինքնակենսագրականը», հեղինակ` Քրիսթիան Դիոր

“Dior by Dior: The Autobiography of Christian Dior”, Christian Dior

Այս գիրքը պարզապես ինքնակենսագրական չէ. այստեղ կգտնեք ոլորտին բնորոշ բոլոր քայլերը` էսքիզի առաջին ստեղծումից մինչև մոդելի`գլխավոր սրահում ցուցադրությունը:

Էսքիզների ստեղծումը թղթի վրա

3. «Աստվածներ և թագավորներ», հեղինակ` ԴանաԹոմաս

“Gods and Kings”, Dana Thomas

Alexander McQueen-ը, John Galliano-ն ցնցեցին նորաձևության աշխարհը 1990-ականներին` դառնալով Փարիզի կարևորագույն նորաձևության տների ղեկավարները` համապատասխանաբար Givenchy և Dior: Alexander McQueen-ը ղեկավարեց այն մինչ մահը /2010թ./, իսկ John Galliano –ն 2011թ.-ին հեռացվեց իր պաշտոնից` հակահրեական հայտարարությունների համար:

4. «Նորաձևության համակարգը», հեղինակ` Ռոլանդ Բարթես

“The Fashion System”, Roland Barthes

Գիրքը հրապարակվել է 1968թ.-ին, ունի բավականին խորը կոնտեքստ, համարվում է ոլորտի կարևորագույն գրքերից, քանի որ շատ դիզայներների աշխատանքների հիմքում հենց այս աշխատությունն է: Հեղինակը ստեղծել է ամբողջական համակարգ` ներկայացնելով հագուստի յուրաքանչյուր դետալի նշանակությունը:

5. «Հոլլիվուդի զգեստների դիզայնի դարը», հեղինակ` Դեբորահ Նադուլման

“A Century of Hollywood Costume Design”, Deborah Nadoolman

Եթե երբևէ ցանկացել եք իմանալ` ինչպես են ընտրում հագուստներ կինոֆիլմերի համար, ինչպես է սկսվում այդ բարդ գործընթացը, ապա այս գիրքը հենց Ձեզ համար է:

6. «Նորաձևության դիզայների փրկիչ ուղեցույցը», հեղինակ` Մերի Գեհլհար

“The Fashion Designer Survival Guide”, Mary Gehlhar

Այս գրքի շնորհիվ կիմանաք, թե ինչպես սկսել Ձեր լեյբլի(label) վրա աշխատանքը` սկսած բիզնես պլանի մշակումից մինչ տարատեսակ ռեսուրսների ընտրությունը նորաձևության շոուի համար:

7. «Գեղեցիկ աշունը. Lagerfeld, Saint Laurent, և Glorious Excess 1970թվականներին Փարիզում», հեղինակ Ալիսա Դրեյք

“The Beautiful Fall: Lagerfeld, Saint Laurent, and Glorious Excess in 1970s Paris”, Alicia Drake

Հեղինակը արձանագրում է երկու կարևոր, գերհայտնի դիզայներների կարիերաների` Yves Saint Laurent-ի և Karl Lagerfeld-ի պատմությունը: Եվ ոչ միայն արձանագրում է, այլև անում է դա անհավանական և սկանդալային մանրամասներով. այն աստիճան մանրամասներով, որ անգամ 2006թ.-ին Lagerfeld-ը դատի տվեց Դրեյքին` նման մանրամասներ անձնական կյանքից հրապարակելու համար:

Նշենք, որ այս գրքերը կարող եք ձեռք բերել ոչ միայն աշխարհահռչակ Amazon-ի  նորաձևության հսկայական գրադարանից և այլ գրախանութներից, այլև փոխառել գրադարաններում: Հայկական «բարի» ավանդույթին համապատասխան՝ կարող եք նաև բեռնել ինտերնետից, հուսով ենք, անվճար: Փնտրե՛ք և կգտնեք:

1 մեկնաբանություն

  1. hey there and thank you for your information ?

    I have certainly picked up anything new from right here.
    I did however expertise some technical points using this website, as I experienced to
    reload the website lots of times previous to I could
    get it to load properly. I had been wondering if your hosting is OK?
    Not that I’m complaining, but sluggish loading instances
    times will sometimes affect your placement in google and can damage your quality
    score if ads and marketing with Adwords. Well I am adding this RSS to my e-mail and could look
    out for much more of your respective intriguing content.
    Make sure you update this again soon.

Կարծիքներ՝

Please enter your comment!
Please enter your name here