Գրեթե բոլորս էլ կյանքում հայտնվել ենք այնպիսի իրավիճակներում, երբ հուզված և անհամբեր սպասել ենք մեր ժամադրությանը:
Հաղթահարելով նյարդային լարվածությունը և հուզմունքը՝ մենք շտապում ենք հանդիպման, սակայն 5 րոպե անց հասկանում, որ այն մեր կյանքի ամենավատ օրն է:)
Այդ դեպքում ի՞նչպես վարվել: Ի՞նչ անել, երբ հանդիպել ենք շովինիստի կամ ձանձրալի մեկին, և չենք ցանկանում նրա հետ նույն վայրում մնալ: Անշուշտ, ժամադրության գնալն ավելի բարդ է, քան, օրինակ՝ համերգ կամ թատրոն գնալը, հատկապես այն դեպքում, երբ չգիտենք՝ ինչպես կարձագանքի մեր դիմացինը: Այսպիսով՝ առաջարկում ենք մի քանի խորհուրդներ, որոնք կօգնեն կողմնորոշվել նույնիսկ ամենաբարդ իրավիճակներում:
- Նշիր հանդիպմանը հատկացված ժամանակը: Առաջին ժամադրության ընթացքում միանշանակ պետք է սահմանել կոնկրետ ժամանակ, որից հետո կարելի է գնալ ընկերների հետ հանդիպմանը կամ այցելել մայրիկին: Իհարկե, գնալուց առաջ պետք է զգուշացնել:
- Նա «մոլորեցրել» է քեզ իր լուսանկարներով: Հանդիպման ընթացքում դու բացահայտում ես, որ նա մի քանի անգամ ավելի վատն է, քան լուսանկարներում: Այս դեպքում վստահաբար կարող ես ասել՝ «Դուք նման չեք լուսանկարներում պատկերված մարդուն: Ես կցանկանայի հանդիպել մեկին, ով ազնիվ է»:
- Դու վախենում ես նրանից: Հանդիպման սկզբում նա շատ քնքուշ էր, սակայն մեկ գավաթ գարեջրից հետո բառացիորեն անտանելի դարձավ: Այս իրավիճակում անմիջապես պետք է լքել հանդիպման վայրը և մոռանալ նրա մասին:
- Նա հեռախոսից կախվածություն ունի: Սա բավականին լուրջ պատճառ է նրա մասին բացասական կարծիք կազմելու և նրան մոռանալու համար:
- Նա քեզ դուր չի գալիս: Իրականում կարելի է հանգիստ սրճել նրա հետ, վայելել գեղեցիկ երեկոն, շնորհակալություն հայտնել հանդիպման համար և բացատրել, որ միմյանց համար չեք:
Եվ վստահ եղեք, Դուք կգտնեք նրան 😉