Դժվար է սեռական կյանքն առանց ֆանտազիաների պատկերացնել: Երբեմն մենք մտածում ենք զուգընկերոջ կամ այլ մարդկանց մասին, որոնք մեզ մոտ զգացմունքներ են առաջացնում:
Արդյո՞ք դրանում ինչ-որ վատ բան կա: Ըստ “Sex Research” ամսագրի՝ տղամարդկանց 98%-ը և կանանց 80%-ը ժամանակ առ ժամանակ էրոտիկ բնույթի մտքեր են ունենում ոչ թե զուգընկերոջ, այլ մեկ այլ մարդու մասին: Միևնույն ժամանակ, շատերը նախընտրում են չիմանալ զուգընկերոջ ֆանտազիաների մասին, քանի որ վախենում են նրա կասկածներից և մեղադրանքներից: Սիրելիի հետ ռոմանտիկ հարաբերությունները պահպանելու համար հարկավոր է հասկանալ, թե ինչու են մեզ համար այդ ֆանտազիաներն այդքան կարևոր:
Երբեմն դժվար է հասկանալ, թե ինչ ենք մենք իրականում ցանկանում: Սեքսի մասին մեր ունեցած գաղափարները, անհաջող փորձը և «արգելքները» խոչընդոտում են զուգընկերոջ հետ անկեղծ քննարկումներին: Մեր ֆանտազիաներում մենք ազատ ենք, միևնույն ժամանակ, ավելի պաշտպանված: Մեր գլխում ծագած «ամենախելահեղ» մտքերը կարող ենք իրագործել միայն վերահսկողության շնորհիվ: Մեր ֆանտազիաներում մարդիկ խամաճիկներ են, որոնց հետ կարելի է ամեն բան փորձել առանց ամոթի և շփոթմունքի: Մենք մեկ ուրիշի մասին երևակայում ենք ոչ թե նրա համար, որ չենք սիրում մեր զուգընկերոջը, այլ այն պատճառով, որ մեր կյանքը միահյուսված նրանց կյանքին, իսկ մեզ հարկավոր է մի փոքր ազատություն և նոր մարդկանց ներկայություն: Ֆանտազիաների շնորհիվ հնարավոր է «օդափոխել» սենյակը և ներս թողնել մաքուր օդը:
Ե՞րբ է պետք անհանգստանալ
Երբ զուգընկերները միասին են արդեն երկար տարիներ, նրանցից յուրաքանչյուրի դեպքում ուրիշների մասին սեքսուալ ֆանտազիաներ ունենալը միանշանակ բնական երևույթ է: Սակայն, եթե նրանք նմանատիպ մտքեր են ունենում յուրաքանչյուր սեռական հարաբերության ժամանակ, դա նշանակում է, որ նրանց հարաբերություններում ինչ-որ բան փոխվել է: