Լացն ու անհանգիստ վիճակը բնորոշ են նորածիններին: Սակայն նրանց հանգստացնելու շատ մեթոդներ կան:

Հաճախ նույնիսկ մի քանի օրական երեխան դառնում է անհանգիստ և կարող է ժամեր շարունակ լացել: Չէ՞ որ փոքրիկը դեռ չի գիտակցում գիշեր-ցերեկ տարբերությունը: Բացի այդ, լույս աշխարհ գալուց հետո երեխայի գիշերային քնի մեկ ցիկլը շատ կարճ է՝ ընդամենը 60 րոպե: Հետևաբար, բնական երևույթ է, երբ երեխան ամեն ժամը մեկ արթնանում է: Ճիշտ է՝ բոլոր երեխաներն էլ լացում են, իսկ երբեմն էլ՝ անվերջ բղավում: Նորածնի լացը մտահոգում է յուրաքանչյուր մայրիկի, քանի որ նա չի կարողանում հասկանալ, թե ինչ է ուզում փոքրիկը:

Նույնիսկ անդադար լացող և քմահաճ երեխային հնարավոր է հանգստացնել, եթե հետևեք այն մեթոդներին, որոնք թվարկված են ստորև.

Պարզեք, թե ինչու է երեխան լացում:

նորածնի լաց

Նորածնի լացը հաճախ կապված է քաղցի հետ: Մի անհանգստացեք, եթե երեխան լացում է գիշերվա ընթացքում, կերակրեք նրան, և նա անմիջապես կհանգստանա:

Կրկին քնեցրեք երեխային:

Գիշերվա ընթացքում փոքրիկը կարող է արթնանալ նույնիսկ ամենաանշան աղմուկից: Բարուրեք երեխային և նորից քնեցրեք:

Հատուկ ռեժիմ սահմանեք:

նորածնի լաց

3 ամսականում երեխան արտադրում է մելատոնին քնի հորմոնը: Տեսականորեն, այսպես է սահմանվում երեխայի քնի ռեժիմը: Ամեն օր երեխային քնեցրեք նույն ժամին՝ նրան սովորեցնելով հատուկ ռեժիմին:

Ստուգեք փոքրիկի տակդիրը:

Որոշ երեխաների լացի գլխավոր պատճառը հենց թաց տակդիրն է, որը նրանց անհարմարություն է պատճառում: Հաճախակի ստուգեք երեխայի տակդիրը, եթե այն թաց է, անմիջապես մեկ ուրիշն օգտագործեք:

Փոքրիկին ծծակ տվեք:

Կերակրելուց հետո ծծակը դրեք երեխայի բերանում: Այն կարող է հանգստացնել նույնիսկ ամենանհանգիստ նորածնին: Երեխաները ունեն դրա պահանջը:

Նյութի աղբյուրը՝ www.motherandbaby.co.uk
Նկարի աղբյուր՝ www.pixabay.com, www.pexels.com, www.motherandbaby.co.uk